白鷺鷥在飛

作詞：蔡燈鍬 作曲：黃建昌 編曲：Chris Babida 合聲：黃秀偵/李寶琦 車在行　風也在行 阮的愛情親像一班火車 有人要起來　也就有人落 一站過一站 一程過一程 欲哭欲笑隨在伊 眼睛瞇瞇看著天邊 一隻白鷺鷥啼啼叫 伊咁是無倚靠 伊咁是攏無倚靠 天在行　雲也在行 阮的青春親像是白鷺鷥影 越飛就越遠　越叫也越遠 一句接一句 一聲接一聲 敢哪有人在叫我 探頭出窗外轉頭看 青春一路直直叫 伊講伊隨未著 伊講伊永遠隨未著 白鷺鷥在飛　愈飛卻愈遠 愛情的火車　猶原也是起起落落 白鷺鷥在飛　已經愈飛又愈遠 阮的青春也一直愈飛愈遠....... ( 伊咁是永遠攏無倚靠) ------------------------------------------ 11048/《白翎鷥咧飛》Pe̍h-līng-si Teh Pue 辛曉琪Sin Hiáu-kî 車咧行 tshia teh kiânn 風嘛咧行 hong mā teh kiânn 阮的愛情 gún ê ài-tsîng 親像是一幫火車 tshin-tshiūnn sī tsi̍t-pang hué-tshia 有人欲起來 ū-lâng beh khí-lâi 嘛就有人落 mā tiō ū-lâng lo̍h 一站過一站 tsi̍t-tsām kuè tsi̍t-tsām 一程過一程 tsi̍t-thiânn kuè tsi̍t-thiânn 愛哭愛笑 ài khàu ài tshiò 隨在伊 suî-tsāi i 目睭微微 ba̍k-tsiu bî-bî 看著天邊 khuànn-tio̍h thinn-pinn 一隻白翎鷥 tsi̍t-tsiah pe̍h-līng-si 啼啼叫 thî-thî kiò 伊敢是無依倚 i kám-sī bô i-uá 伊敢是攏無依倚 i kám-sī lóng bô i-uá 天咧行 thinn teh kiânn 雲嘛咧行 hûn mā teh kiânn 阮的青春 gún ê tshing-tshun 親像是白翎鷥影 tshin-tshiūnn sī pe̍h-līng-si iánn 愈飛煞愈遠 jú pue suah jú hn̄g 愈叫嘛愈遠 jú kiò mā jú hn̄g 一句接一句 tsi̍t-kù tsiap tsi̍t-kù 一聲接一聲 tsi̍t-siann tsiap tsi̍t-siann 敢若有人咧叫我 kánn-ná ū-lâng teh kiò guá 探頭出窗外 thàm-thâu tshut thang-guā 越頭看 ua̍t-thâu khuànn 青春一路直直看 tshing-tshun itōo ti̍t-ti̍t khuànn 伊講伊綴袂著 i kóng i tuè buē-tio̍h 伊講伊永遠綴袂著 i kóng i íng-uán tuè buē-tio̍h 白翎鷥咧飛 pe̍h-līng-si teh pue 愈飛煞愈遠 jú pue suah jú hn̄g 愛情的火車 ài-tsîng ê hué-tshia 猶原也是起起閣落落 iu-guân iā-sī khí-khí koh lo̍h-lo̍h 白翎鷥咧飛 pe̍h-līng-si teh pue 已經愈飛閣愈遠 í-king jú pue koh jú hn̄g 阮的青春 gún ê tshing-tshun 嘛一直愈飛愈遠 mā it-ti̍t jú pue jú hn̄g --- 伊敢是 i kám-sī 永遠攏無依倚 íng-uán lóng bô i-uá